沙拿率利物浦大勝8強硬撼「英超剋星」 - 波經
3/19 (四)AI
AI 摘要
- 沙拿率利物浦大勝 8強硬撼「英超剋星」 2026/03/19 ( 四 ) 08:02 利物浦霸氣晉級。
- 利物浦首回合喺土耳其輸0比1，今仗返主場氣勢唔同曬，25分鐘就由蘇保斯拉爾炮彈式勁射領先，之後繼續狂攻製造唔少機會，包括阿歷斯麥亞里士打頂中楣、穆罕默德沙拿嘅12碼又宴客。
- 自2007年對車路士、2019年對巴塞隆拿後，今次係利物浦史上第3次，喺歐聯淘汰賽首回合先輸下反勝晉級。
- 利物浦今場有16次中目標射門，係歐聯淘汰賽有紀錄以來最高紀錄，入球功臣艾基迪基賽後表示：「我哋值得晉級，今場表現好好，本來應該贏10比0，但有啲機會把握唔到。
沙拿率利物浦大勝 8強硬撼「英超剋星」 2026/03/19 ( 四 ) 08:02
利物浦霸氣晉級。(Getty Images)
1/2
歐聯8強全部出爐！週四(19日)凌晨16強次回合賽事，利物浦主場4比0大炒加拉塔沙雷，兩回合合計贏4比1，史上第3次喺歐聯首回合先輸下逆轉晉級。利物浦喺8強將會硬撼巴黎聖日耳門(PSG)，呢支衞冕雄師已連續4次喺淘汰賽踢走英超球隊，「紅軍」呢關唔易過。
利物浦首回合喺土耳其輸0比1，今仗返主場氣勢唔同曬，25分鐘就由蘇保斯拉爾炮彈式勁射領先，之後繼續狂攻製造唔少機會，包括阿歷斯麥亞里士打頂中楣、穆罕默德沙拿嘅12碼又宴客。換邊後沙拿將功贖罪，傳中造就艾基迪基射入，總比數反超前2比1。
得勢不饒人嘅利物浦，53分鐘沙拿射門被撲出，賴恩格雲貝治補射命中。62分鐘沙拿同域斯精彩互傳，沙拿禁區頂熨射彎入遠柱，為利物浦取得4比0大捷。自2007年對車路士、2019年對巴塞隆拿後，今次係利物浦史上第3次，喺歐聯淘汰賽首回合先輸下反勝晉級。
利物浦今場有16次中目標射門，係歐聯淘汰賽有紀錄以來最高紀錄，入球功臣艾基迪基賽後表示：「我哋值得晉級，今場表現好好，本來應該贏10比0，但有啲機會把握唔到。」利物浦8強會對PSG，PSG由上屆到依家，接連喺歐聯淘汰利物浦、阿士東維拉、阿仙奴同車路士，堪稱「英超剋星」。
對於8強硬仗，領隊施洛表示：「PSG嘅水平從來冇下降，到依家仍然好出色，但係經過今場比賽之後，我諗PSG應該好唔想對住我哋。」
最強博彩盤路過關神器《串績王》：http://win.on.cc/football/
上一則 :巴塞隆拿血洗紐卡素 拉芬夏Show Time造5球 下一則 :伊斯和春天有個約會 逢3至5月必爆發？
