AC米蘭「雙殺」國米意甲爭霸仲有價講？ - 波經

AC米蘭「雙殺」國米　意甲爭霸仲有價講？ 2026/03/09 ( 一 ) 10:00

AC米蘭今季雙殺國際米蘭。(Getty Images)

週一(9日)凌晨意甲「米蘭打吡」，AC米蘭憑佩華斯艾斯度比倫一箭定江山，以1比0擊敗「1哥」國際米蘭，今季「雙殺」藍黑兵團。AC米蘭贏波後，同國米距離拉近到7分，爭標仲有價講？

賽前兩隊相差10分，AC米蘭想爭標係非勝不可，35分鐘一次美妙組織，艾斯度比倫接應尤索夫科芬拿妙傳，禁區內勁抽掛網。雙方之後互有攻守，國米最後防段兩度申訴12碼不果，AC米蘭保住勝局。

AC米蘭教練阿里基賽後表示：「國米領先7分，係一個好巨大嘅差距，佢哋仍然係冠軍大熱。我哋好開心拉開同祖雲達斯、羅馬、科木嘅差距，3月份開始就係球季決定性時間。」

國米未來4場聯賽，有3場係對爭逐歐聯嘅阿特蘭大、羅馬同科木，呢幾場戰果會決定國米意甲成敗，教練捷禾表示：「今場確實失望，但唔好意記我哋今季一直踢得好出色，最後10場做番自己就得。」

最強博彩盤路過關神器《串績王》：http://win.on.cc/football/　

上一則 :沙維爆大鑊！美斯傾掂返巴塞　被拉塔波摧毀 下一則 :英足盃連環爆冷！兩英超兵被低組別踢出局