又傷兩件！阿仙奴慘勝入英足盃8強 - 波經
3/8 (日)AI
AI 摘要
- 阿仙奴慘勝入英足盃8強 2026/03/07 ( 六 ) 22:23 週六（7日）晚英足盃16強頭場，英超「1哥」阿仙奴作客甲組仔曼斯菲，一度陷於苦戰，好彩後備上陣嘅伊比爾治伊斯建奇功，險勝2比1殺入8強，不過有李安度杜沙特同卡拉費奧利先後傷出，認真黑仔。
- 上一則 :曼聯叫價太高 奧拿拿被退貨 下一則 :五項數據排第一 40歲莫迪歷勁過後生仔
- 完半場前先係馬度基遠射被救出不遠，馬天尼利雖然未能執雞，但佢再回番畀馬度基妙射打破僵局，連續2圈英足盃有士哥。
- 曼斯菲未有放棄，易邊後先至被換入嘅韋爾伊雲斯，於50分鐘追成1比1。
又傷兩件！阿仙奴慘勝入英足盃8強 2026/03/07 ( 六 ) 22:23
週六（7日）晚英足盃16強頭場，英超「1哥」阿仙奴作客甲組仔曼斯菲，一度陷於苦戰，好彩後備上陣嘅伊比爾治伊斯建奇功，險勝2比1殺入8強，不過有李安度杜沙特同卡拉費奧利先後傷出，認真黑仔。
阿仙奴今仗作出大輪換，派出多名副選擔正，包括阿列沙巴拿加、基斯甸摩斯基拿、基斯甸洛加特、麥斯杜文同加比爾捷西斯等，一開波兩軍都有來有往，曼斯菲頻頻發動高空轟炸同遠射博大霧，阿仙奴則以傷愈冇耐嘅超新星麥斯杜文最活躍，兩番近射被救出，佢亦有妙傳加比爾馬天尼利埋門又遭撲出。完半場前先係馬度基遠射被救出不遠，馬天尼利雖然未能執雞，但佢再回番畀馬度基妙射打破僵局，連續2圈英足盃有士哥。
曼斯菲未有放棄，易邊後先至被換入嘅韋爾伊雲斯，於50分鐘追成1比1。阿仙奴主帥阿迪達見勢色唔對，換入祖利安添巴同伊比爾治伊斯，伊斯入場冇耐即勁射掛網，最終險勝2比1，不過李安度杜沙特同卡拉費奧利，於上下半場先後傷出，達Sir真係頭都痕埋。
上一則 :曼聯叫價太高 奧拿拿被退貨 下一則 :五項數據排第一 40歲莫迪歷勁過後生仔
